Հոգնածության դեմ լավագույն մթերքները. 1in.am

Բժիշկները հայտնել են, թե որոնք են հոգնածության դեմ լավագույն մթերքները: Ամերիկացի մարզիչ և գրող Լի Հոլմսը ներկայացրել է 10 մթերքներ, որոնք լավագույնս նպաստում են էներգիայի լրացմանը և օգնում հաղթահարել հոգնածությունը:

Ընկույզ

Հում, անալի ընկույզներն օրգանիզմը հագեցնում են էներգիայով և սնուցող նյութերով: Եթե ընկույզները թրջեք երեկոյան, դրանցում կսկսվի աճի գործընթաց, որն ավելացնում է նրանց սննդարար արժեքն ու հեշտացնում մարսողությունը:

Յոգուրտ

Բնական յոգուրտի կամ աղցանի ավելացումը նախաճաշին ապահովում է օրգանիզմը կալցիումով և պրոբիոտիկներով: Պրոբիոտիկներն օգտակար բակտերիաներ են, որոնք անհրաժեշտ են աղիների միկրոֆլորայի ճիշտ աշխատանքի համար: Դրանք լավացնում են մարսողությունը, բարձրացնում իմունիտետը և օգնում պայքարել հոգնածության դեմ:

Սաղմոն

Ինչպես հայտնի է՝ սաղմոնը հարուստ է Օմեգա-3 ճարպաթթուներով, որոնք նվազեցնում են խոլեսթերինի մակարդակը և սրտի հիվանդությունները: Սաղմոնը նաև պարունակում է սպիտակուցներ, վիտամին B₆, նիացին, որոնք օգնում են սնունդը վերածել էներգիայի:

Սնկեր

Մեկ ափսե սունկը կարող է ապահովել օրգանիզմն օրվա ընթացքում անհրաժեշտ երկաթի 50%-ով, որն անհրաժեշտ է արյան մեջ թթվածնի մատակարարման համար: Եթե թթվածնի մատակարարումը գլխավոր օրգաններին խախտվում է՝ մարդն իրեն կարող է հոգնած զգալ:

Սպանախ

Սպանախը հարուստ է երկաթով, մագնեզիումով և կալցիումով: Մագնեզիմումը կարևոր դեր է խաղում էներգիայի արտադրության մեջ և կալցիումի հետ միասին արդյունավետ է մարսողության համար:

Դդմի կորիզներ և արևածաղիկ

Դդմի կորիզների մեկ քառորդում պարունակվում է մոտավորապես օրական պահանջվող մագնեզիումի չափաքանակ: Մագնեզիումը նպաստում է մկանների թուլացմանն ու նպաստում օրգանիզմում կալցիումի նորմալ մակարդակի պահպանմանը:

Քաղցր կարտոֆիլ

Քաղցր կարտոֆիլն ածխաջրերի հոյակապ աղբյուր է: Նրանում նաև պարունակվում են երկաթ, կալցիում, մագնեզիում, վիտամին C և վիտամին D, որոնք օգնում են բարձրացնել էներգիայի մակարդակն ու կանխել հոգնածությունը:

Ջուր

Ջուրն ունի կարևոր նշանակություն օրգանիզմի համար: Այն օգնում է բջիջներին հասցնել թթվածինն ու օգտակար նյութերը, իսկ այդ նյութերի ցածր մակարդակը կարող է հոգնածություն առաջացնել: Մասնագետները կանանց խորհուրդ են տալիս օրական խմել մոտ 8 բաժակ ջուր, իսկ տղամարդկանց՝ մոտ 10:

Թարմ սեզոնային մթերքներ

Սեզոնային մթերքները հարուստ են մեծ քանակությամբ սննդարար նյութերով, որոնք օգնում են հաղթահարել հոգնածությունը և լիցքավորել օրգանիզմն էներգիայով: Բայց երկար ժամանակ պահված մթերքներում սննդարար նյութերի քանակն արագ նվազում է:

Ձու

Ձուն սպիտակուցի հոյակապ աղբյուր է, որն օգնում է մկաններին վերականգնվել սպառիչ մարզումներից հետո, իսկ օրգանիզմին՝ թարմ զգալ օրվա ընթացքում:

Հարցեր, պատասխաններ, մեկնաբանություններ